KPICT A LAM

2021 ning, March shata 9-11 laman Mungdan kata/shinggan Wunpawng amyusha wuhpung wuhpawng ni jawm hpawng ai zuphpawng kaba hta wunpawng amyusha yawng a gawng malai pranwan ten mungmasa ginrat sa wa lu na matu yaw shada let, “Wunpawng Amyusha Mungmasa Ginrat Hpung” (Kachin Political Interim Coordination Team: KPICT) hpe hpaw shabawn dat sai. KPICT hpe Myanmar mungdan kata byin nga ai sat lawat hta hkan nna Wunpawng amyu hte Mungchyingsha ni a mungshawa hta shadip jahpang ai ahkang aya hpe gawgap la lu na matu, Gumshem ai Asuya hpe gasat shamyit kau nna jet ai Federal Munghpawm Mungdan gawgap la lu na matu hte yaw shadawng shada lam bung ai Mungdan kata/shinggan na wuhpung wuhpawng ni hte matut mahkai bawngban jahkrup nna ta gindun galaw sa wa lu na matu yaw shada let hpaw shabawn dat ai.

BOND DUT SHABRA AI LAM A SHINGDU LABAU KADUN

NUG hku nna Hpyen Gumshem Asuya hpe lawan ladan gasat shamyit kau lu na matu hta ja gumhpraw lu lawm lam mung grai ahkyak nga ai. Dai re ai majaw, ra kadawn nga ai ja gumhpraw ni hpe aten dep hparan lu na matu, 2021 ning, November shata (22) ya shani kaw nna Bond hpe mungchying mungshawa ni hpang de dut shabra ai lam galaw sai.

KPICT gaw tinang hte yaw shadawng shada lam bung ai NUG a magam bungli ni hta karum shingtau lu na matu Kachin Ginra hta Bond hpe lit la dut shabra ai lam re.

MASAT DA AI RITKAWP TARA NI

  • Bond a manu hpe American Dollar hte masat ai. 
  • Bond manu hpan ni hpe U.S. $ 100, 500, 1000, 5000 ngu nna masat da ai.
  • Bond amyat hpe tsalam shadang (0%) masat ai.
  • Asuya kaw nna Bond mari la mayu ai ni hpe dut shabra ya ai lam hta, masat da ai tara shang manu hku sha dut shabra sa wa na. Kaga amyat n lawm ai Bond ni zawn manu shayawm nna dut shabra ai lam n galaw ai.
  • Bond a ladaw gaw htuk shale ya ai shani kaw nna lahkawng ning rai na.
  • Bond a ladaw n htum shi ai aten laman dut shalai ya ai lam n mai galaw ai.
  • Ladaw htum ten hta masat da ai ritkawp tara ni hte maren dut mari shalai ai lam ni mai galaw ai.

BOND MARI AI HTE SENG AI LAM

  • Mungdan kata/shinggan hta KPICT kaw na tara shang masat da ai masha (Bond Agent) ni hku nna mari la mai ai (Shingnrai) KPICT Rung de dan tawk matut mahkai mari la mai ai.
  • Bond mari ai hta hkyen shajin da ra na lam ni
    • Mying
    • Mungchying Masat
    • Shangai Nhtoi
    • Email/Phone
    • Beneficiary (Mying, daw ang ai lam hte Matut mahkai hkringdat)

GUMHPRAW SANG JAW MAHKRUN NI

  • Tinang hte ni nawn ai KIO gumhpraw dum de mai sa bang ai.
  • KPICT agent ni hku nna shalai bang mai ai.
  • KPICT Rung de dan tawk matut mahkai mahkrun tam la mai ai.
  • Maigan Mungdan de na mari ai ni gaw KPICT bank account de bang mai ai. 
  • Kaga chye na mayu ai lam ni hpe, lawu de na ‘Matut Mahkai Hkringdat’ kaw san jahpra la mai ai. https://www.facebook.com/KachinPICT/
BOND GUMHPRAW SHALAI BANG NGUT AI HPANG
  • NUG asuya kaw nna gumhpraw hkapla lu sai lam hpe jenjep ngut ai hpang nhtoi 30 ya laman Bond masat laika hpe shadu ya na.
  • Ndai Bond masat laika pa gaw gumhpraw htuk shale la lu na matu sakse laika re ai majaw n hten n mat hkra kyem zing da ra na.
Matut Mahkai Hkringdat
Phone:+86 191 4749 0245
Email- [email protected]
Contact Us
Phone:+86 191 4749 0245
Email- [email protected] 
ဆက်သွယ်ရန်
Phone:+86 191 4749 0245
[email protected]